Infelizmente iha ema individu no grupu organizadu balun mak iha intensaun aat no tenta bosok ema seluk ho maneira husi manán lotaria. Sira nia objetivu mak atu bosok ema no halo ema sai vítima ba sira nia aktu burla (bosok) liu husi fó informasaun falsu kona ba manán prémiu boot sira hodi bosok ema ka halo ema sai vítima liu husi meius sira tenke haruka osan ba individu/Grupo organizadu sira ne'e ho maneira halo pagamentu ba selu taxa , selu kustu envia (haruka) prémiu nian ka ho meius seluk atu prosesu prémiu ne'ebé atu fó ba vítima sira.
Iha Grand Dragon Lotaria maski ita boot partisipa ami nia promosaun sira maibé bainhira ita boot la sosa ami nia billete sorteiu nian,ami sei la kontaktu ita boot no ita boot mós laiha posibilidade atu manán ami nia prémiu sira sein ami nia billete sorteiu nian.
Iha kraik mak matadalan balun atu proteje ita atu sai vitima ba ema seluk sira nia bosok:
-
Labale responde email ka informasaun sira ne'ebé mak dehan ita manán prémiu sorteiu ruma ne'ebé ita rasik la hatene nunka sosa sira nia sorteiu.
-
Lotaria la husu kustu ruma bainhira ita manán sorteiu, ita boot laiha obrigasaun atu selu kustu manán nian, bainhira akontese ne'e iha indikasaun katak ema tenta atu bosok ita boot.
-
Labele hatudu ou fó ita-nia detallu konta banku nian ga haruka osan ba ema estranjeiru (ema ne'ebé ita la koñese) hodi selu kustu ba prosesa manán lotaria.
-
Labele resposta email eletróniku aleinde husi ami nian enderesu eletróniku ofisiál mak (www.gdloto.com). Email seluk hanesan @gmail.com @ hotmail.com, @yahoo.com ka email sira seluk tan ne'e indika (deskonfia) bosok
-
Karik manán sorteiu ka lotaria ida ne’ebé operadór sorteiu nian husu ita atu rai informasaun kona ba manán nian hanesan segredu, ne’e mós bosok hotu.
-
Lotaria bosok sira ne'e dala barak hakerek liafuan sira la loos hakerek informasaun sira la kompletu.
-
Karik ita boot hetan check osan husi ema balun ne'ebé ita la koñese. Labele ba halo kedas levantamentu (Foti Kedas Osan) iha banku. Aproxima uluk instituisaun finanseiru sira atu hetan esplikasaun uluk kona ba fontes osan ne'e ka informasaun relevantes sira kona ba check ne'e rasik.